Ola a todos!
Espero que todos
esteades ben.
Como ben sabedes,
teríamos que facer o exame o venres 20 e, ao non poder ser, queda pendente para
cando regresemos ás aulas. Así que non esquezades repasar e estudar todo o que
levamos visto ata o momento.
O venres pasado tiña previsto darvos unhas fotocopias sacadas dun libro
para preparar o tema de cultura que tería que entrar no exame, que é o das
clases sociais en Roma, mais as circunstancias actuais fixeron que xa o venres
non nos viramos. Preparareino entón por escrito, como algún dos entregados con
anterioridade, e mandaréivolo en canto o teña listo. Para poder mandárvolo,
dado que sodes un grupo reducido, prefiriría que me enviásedes os vosos correos
electrónicos a este enderezo: pilonso@edu.xunta.es
A este mesmo correo poderedes mandarme tamén as tarefas que imos facer neste
tempo para practicar o explicado ata o de agora. Tamén calquera dúbida ou
pregunta que vos poida xurdir. Para esto último, dadas as circunstancias excepcionais
que estamos a vivir, e dado que sodes un grupo de bacharelato,e moi pouco
numeroso, penso que nos resultaría máis práctico facer un grupo de whatsapp,
sempre que vós non teñades ningún inconveniente. O que queira pode entón
enviarme o número de teléfono ao correo.
As tarefas van consistir en analizar (morfoloxica e sintacticamente) e
traducir as oracións que xa vos entreguei de antemán. Do último explicado (os
pronomes interrogativos) penso que quedaban por facer as dúas últimas oracións.
E das oracións da fotocopia, creo que tiñamos feitas e correxidas ata a 8
(incluída). Entón: o venres que ven, día 20, enviade ao
correo facilitado a análise e tradución das oracións de interrogativos máis a 9
da fotocopia.
Seguimos en contacto.
Coidádevos moito. Paciencia e moito ánimo!
Pilar
No comments:
Post a Comment
Please, feel free (and sensible) to leave your comment here.